PANTUN NASIHAT UNTUK ANAK DALAM BAHASA MINANGKABAU

Dilla, S.Pd. Pemerhati Pendidikan dan Anak

PANTUN NASIHAT UNTUK ANAK DALAM BAHASA MINANG

 HASIL BIMTEK REVITALISASI BAHASA MINANGKABAU OLEH BALAI BAHASA PROVINSI SUMATRA BARAT 

        Pantun adalah adalah jenis puisi rakyat yang paling tua dan paling umum di Indonesia. Berbentuk lisan dan biasanya berkaitan dengan perasaan, rindu, dendam kesedihan, gurauan pengajaran dan norma-norma atau nasihat. Kalau orang dulu mengajarkan adab dan karakter kepada anak-anaknya melalui pantun atau dendang. Karena melalui pantun kita bisa menyampaikan pesan kebaikan dan nasihat yang biasanya bisa diterima dan diamalakan oleh anak-anak yang mendengarnya. 

        Berikut contoh pantun nasihat dalam bahasa Minangkabau yang bisa digunakan sebagai pengajaran berbalas pantun ataupun sebagai lirik dalam mengajarakan  dendang. Contoh pantun ini bisa diberikan kepada generasi Z sekarang yang mungkin sudah mulai lupa dengan tradisi lokal ini. Pantun-pantun berikut adalah contoh spontan yang dibuat oleh peserta dalam Bimbingan Teknis Revitalisasi Bahasa Daerah Minangkabau Angkatan II di Kota Bukittingggi yang diikuti oleh 4 kabupaten kota yaitu, Bukittinggi, Pasaman, Pasaman Barat dan juga Kabupaten Agam. 

        Tanpa bermaksud mengabiakan penulisnya, sengaja kami tuliskan contoh pantun tanpa menuliskan nama pembuatnya. Pantun di sini hanya pantun nasihat untuk anak sekolah. Jika dirasa ini perlu untuk pembelajaran Bahasa Minang di sekolah, maka silakan disalin dan dibagikan kepada yang lain. Semoga bermanafaat. 

     Berikut Contoh Pantun Nasihat dalam Bahasa  Minangkabau 

Dari Kinali nak Kamalampah

Mukasuik ati pai ka pakan

Dek akok nan jo sarakah

Musibah nan kito dapekkan

Bakukuak ayam di hari pagi

Kuciang malompek ka ateh meja

Dek tuan bailimu tinggi

Tampek kami pai baraja

 

Luruih jalan nan ka Painan 

Basimpang jalan nan ka Talu

Kami datang dari Pasaman

Pai baraja mancari ilmu

 

Rancak rumah lah balantai

Warna hijau malah bantuaknyo

Kalau Kito nak nio pandai

Tantu mambaco lah usahonyo

 

Pai bajalan ka Toraja

Sadang babuah rambutannyo

Kalau anak rajin baraja

Katiko ujian tajawek tanyo

 

 Manulih surek di ateh meja

Tantu duduak di ateh kurusi

Katiko ketek rajin baraja

Kalau lah tuo sananglah diri

 

Jalan-jalan ka Lubuak Basuang

Singgah sabanta di Pantai Tiku

Dari pado duduak bamanuang

Labiah elok mambaco buku

 

 Bareh lamak ado di Solok

Buah patai rasonyo paik

Rajin-rajinlah ba buek elok

Bia salamaik dunia akhiraik

 

Urang Baso pai ka pasa

Indak lupo bali durian

Kalau kito maleh baraja

Manyasa diri di kamudian

 

Dari lambah ka Malintang

Rami anak rang mudo-mudo

Rajin sakolah rajin sumbayang

Supayo di sayang urang tuo

 

Pai main ka Bukittinggi

Singgah dulu di Padang Panjang

Cari lah ilmu tinggi-tinggi

Supayo isuak hiduik tu sanang

 

Rang Lubuak Basuang pai bajaga

Pai bajaga ka Pasa Usang

Awak dari ketek harus baraja

Jikok nio hiduik isuak sanang

 

Jalana-jalan ka Bukittinggi

Usah lupo ka jam gadang

Jadi anak janlah  tinggi hati

Supayo hiduik manjadi sanang

 

 Dari Bawan ka Lubuak Basuang

Pai balomba layang-layang

Jiko awak ingin disayang

Rajinlah mangaji jo sumbayang

 

Babelok jalan  Koto Malintang

Singgah karumah  urang tuo

Sipaik nan elok, jan acok berang

Bia urang  sanang hatinyo

 

Basimpang jalan ka Sidomulyo

Luruih jalan lalu ka Sariak

Buang sarok pado tampeknyo

Sakolah barasiah sanang dicaliak

 

Dari lubuak taruih ka Rao

Handak manjalang ka Rimbo Panti

Hati nak kanduang usah taibo

Ayah jo mandeh paubek hati

 

Palupuah balainyo hari Salasa

Di pasa indak lupo bali sala

Pado isuak kawan manyasa

Ancak dari kini rajin sikola

 

Pai raun ka Bukittinggi

Singgah sabanta ka jam gadang

Nan uo kito hormati

Nan mudo samo disayang

 

Rami urang di lapang kantin

Cuci mato jo malapeh salero

Sungguh hati sangaik prihatin

Mancaliak nagari dapek bancano

 

Jalan basamo rang Pinaga

Singgah sabanta di tapian sungai

Ondeh nak oi rajinlah baraja

Bia isuak cita-citanyo tacapai

  

Urang Canduang pandai manumih

Tumih udang jo kacang panjang

Baimaik-imaik dalam bapitih

Balanjo usah nan gadang-gadang

 

Urang Matua ka Payokumbuah

Singgah sabanta di Ateh Ngarai

Jikok baraja basungguah sungguah

Sukses hiduik nak kito capai

 

Campago biru harum baunnyo

Tumbuah di tapi jalan gadang

Nasehat guru usah dilupo

Supayo salamaik di maso datang

 

Rancak bajunyo rang Silayang

Babungo-bungo indah ruponyo

Kalau anak rajin sumbayang

Salamaik hiduik di dunia nanko

 

Rang agam ka Bukittinggi

Pai mambali baju baru

Usalah kito batinggi hati

Nan ilmu alun saujuang kuku

 

Batang Lingkin ka Batang Umpai

Batang Umpai nagari rancak

Usah Kito banyak parangai

Bia disagani urang banyak

 

Urang Lawang baparak tabu

Tabu dikilang Sutan Putiah

Nak sayang pabanyak ilmu

Tau dikurang nan jo labiah

 

Anak urang Kampuang Ilalang

Pai baraun ka Kampuang Baso

Malu jo sopan kalau lah ilang

Abihlah raso jo pareso

 

Dari baso ka Bukiktingi

Handak pai ka  jam gadang

Kato partamo salamiak pagi

Mudah-mudahan sanak bahati sanang

 

Koto baru belok Koto Tuo

Singgah sabanta di Saruaso

Nagari tuo kanai bancano

Ado nan salah didiri kito

 

Lubuak Landua tapian mandi

Mancaliak gadang ikan larangan

Usah malawan dalam hati

Nak jan hilang kapandaian

 

Rumah gadang di Pagaruyuang

Pusako dek urang minang

Oi nak kanduang usah bamanuang

Bau bauduak pai sumbahyang

 

Tanamlah lantak di pagi hari

Bataduah bakipek di bawah cubadak

Mode ko bana nak gadih kini

Salero gadang dapua baserak

 

Ka pasa Aua mambali baju

Baju dipakai di hari Rayo

Rajin rajin manuntuik ilmu

Supayo tacapai  cito-cito

 

Maninjau ka Lubuak  Basuang

Handak manjalang Lubuak Sao

Tiok hari jan bamanuang

Supayo badan indak sansaro

 

Rami urang di Aia Manggih

Raminyo tantang rumah makan

Ayah kanduang usahlah bangih

Jikok wak salah tolong maafkan

 

 Rami urang nan ka Taruko

Pamandangannyo rancak sangaik

Manjadi anak janlah durako

Buliah salamaik dunia akhiraik

 

Sabana dingin Padang Panjang

Pai ka sinan naiak oto

Jikok anak ingin disayang

Turutilah nasihat urang tuo

 

Bukik panjuak di Ladang Panjang

Tampek urang baladang jo mancari

Rajin-rajinlah anak sumbayang

Kok lah gadang sananglah diri

 

Manurun jalan ka Cacang Randah

Nak bakelok jalan ka Gasan

Kalau ado kato yang salah

Mohonlah ambo dimaafkan

 

Jalan basamo rang Pinaga

Singgah sabanta di tapi sungai

Ondeh nak oi rajinlah baraja

Supayo niaik isuak tacapai

 

Dari Talu nak ka pasa Kajai

Singgah sabanta di kelok kaco

Jikok mimpi ingin nak tacapai

Rajin sakola dan bausaho

 

Pai balanjo ka Aua Kuniang

Usah lupo maisi saku

Kalau nio hiduik nak sanang

Usahlah hiduik banyak laku

 

Dari Tiku ka Bukittinggi

Luruih jalan ka Payokumbuah

Jikok nio pandai mangaji

Barajalah basungguah-sungguah

 

 Koto Baru jo Koto Tuo

Di saruaso singgah sabanta

Nagari tuo kanai bancano

Tapaso kito banyak basaba

 

Sawah banamo sawah Rawang

Di bajak di pagi hari

Bialah urang nan kanyang

Nan awak mancukia gigi

 

Bukik Panjuik di Ladang Panjang

Urang kaladang di siang hari

Rajin-rajin anak sumbayang

Bia ndak sanang si badan diri

 

Badabua ombak katapi pasia

Kuaik mahampeh kabatu karang

Usah kawan banyak bapikia

Supayo badan jan tagamang

 

Sungai Janiah ikannyo jinak

Tampek bamain urang mudo

Jadilah kito urang nan bijak

Supayo sanang kasadonyo

 

Ka Payokumbuah naiak suzuki

Sapanjang jalan banyak sawah

Jikok nio banyak rasaki

Banyak ibadah jo sadakah

 

Gulai hati dalam kuali

Mari kito makan basamo

Jikok lai bahati nurani

Tolong bantu saudaro kito

 

Rang Padang tujuah ka Pinaga

Taruih jalan kampuang Talu

Sakolah kito lamo tingga

Mari goro kito dahulu

 

Sairiang balam Jo Barabah

Balam lalu barabah mandi

Sairiang salam nan jo sambah

Sambah lalu salam kambali

Pantun 6 lirik

Pai raun ka puncak lawang

Dek paso bana rasonyo litak

Singgah sabanta di kelok indah

Sunguah Allah sangaiklah sayang

Kapado urang rajin bainfak

Sarato urang Suko basidakah

         Itulah beberapa pantun nasihat yang bisa digunakan untuk pembelajaran dalam bahasa mInangkabau atau muatan lokal BAM. Beberapa lirik sudah mengalami perbiakan, bagi ada saran dan tambahan silakan ditulis di kolom komentar ya. Terimakasih.