PANTUN MINANGKABAU // REVITALISASI BAHASA DAERAH
Kegiatan revitalisasi bahasa daerah menjadi jalan untuk kembali merawat pusaka tak ternilai ini. Lewat pantun, kita diajak tersenyum, merenung, sekaligus belajar dari simbol-simbol kehidupan yang sederhana namun penuh makna.
Kumpulan pantun ini adalah upaya kecil untuk menjaga nyala bahasa ibu, agar generasi muda tidak kehilangan akar, dan agar kebijaksanaan leluhur tetap mengalir dalam denyut zaman. Pantun ini juga hasil dari bimtek peserta revitalisasi bahasa daerah yang diadakan oleh Balai Bahasa Sumatra Barat, pada akhir bulan juli tahun 2025 lalu. Semoga setiap pantun yang terhimpun di sini menjadi pengingat, bahwa bahasa daerah bukan sekadar warisan, melainkan identitas yang membentuk siapa kita sebenarnya.
Assalamu’alaikum pambuka kato
Jo Alhamdulillah kito mulai
Sambah taunjuak untuak basamo
Pantun dimulai hanyo lai
Niniak mamak, jo cadiak pandai
Di adaik nan ditinggikan
Lah patuik pantun kito mulai
Tanang dunsanak mandangakan
Gunuang Singgalang jo Marapi
Rancak nampak dari Jam Gadang
Iko budayo Bukiktinggi
Adaik rang kurai nan gemilang
Baju adaik rancak dipandang
Maniak maniak silaukan mato
Pusako lamo nan dikanang
Jadi carito panuah cinto
Jam gadang nan tagak nyo gagah
Manjulang tinggi atok gonjong
Bukittinggi koto nan ramah
Urang nyo sopan indak sombong
Bukitinggi alam nyo indah
Randai jo tambua tumbuah subur
Adaik kurai ndak akan punah
Budayo nan indak ka luntur
Ka pasa ateh bali sanjai
Ado banyak aneka raso
Mari aguangkan adaik kurai
Budayo lokal identitas bangso
Bakukuak ayam pagi hari
Kuciang malompek ateh meja
Kami nan dari Bukittinggi
Lah bakumpua untuk baraja
Pai raun ka Bukiktinggi
Singgah sabanta di Jam Gadang
Nan tuo samo di hormati
Nan mudo samo kito sayang
Ramo-ramo sikumbang jati
Katik Endah pulang bakudo
Patah tumbuah hilang baganti
Pusako pangulu baitu juo
Bukittinggi koto rang Kurai
Ado jam gadang tagak manjulang
Barajalah kito sampai pandai
Kok isuak lai iduik ka sanang
Rami urang di lapang kantin
Baolah raga sambia balanjo
Baa hati ndak ka prihatin
Sabalik nagari kanai bancano
urang Solok ka Bukiktinggi
pai mambali baju baru
usahlah kito batinggi hati
kok ilmu baru saujuang kuku
Dari kubang putiah singgah ka pasa
Bali samba untuak di makan
Janlah hiduik isuk manyasa
Pandai-pandai mamiliah kawan
Babendi ka simpang tiku
Mancaliak balai sunayan rami
Sanang bana pintak balaku
Balabiah indak, cukuik ko lai
Sungguah rancak ukiran paku
Malangkuang jo bajelo jelo
Cobaan hiduik kok balaku
Sarahkan diri ka nan kuaso
Bajalan ka kapeh panji
Bajalan mambawo mangkuak.
Kalo alun minum kopi
Yo agak taraso mato mangantuak
Urang kurai bajalan ka Simpang limo
Baranti sabanta di surau gadang
Kalau ingin selamat Jan binaso
Rajin baraja sabalun gadang
Bukik apik jalannyo babelok
Manurun jalan ka janjang saribu
Sopan jo santun jikok elok
Ado diawak urang pun rindu
Pai bajalan membaok suluah
Kok panek duduak salayang
Jika hati mulai rusuah
Ambiak wuduak baok sumbayang
Ka singkarak mambali jaguang
Jaguang dibali nak sarumpun
Oi nak kandung rajin lah sumbayang
Bia isuak sanang lah badan
Padangpanjang serambi Mekah
Kubu gadang desa wisata
Bancah laweh pacuan Kudo
Jikok roda sadang dibawah
Baok basujuik dan badoa
Sarahkan diri ka nan kuaso
Saluang panjang ba lubang ampek
Talatak dapek karateh
Jikok tau kato nan ampek
Pahami sumbang 12
Padangpanjang serambi Mekah
Kubu gadang desa wisata
Bancah laweh pacuan Kudo
Jikok nyo roda nan sadang dibawah
Baok basujuik dan badoa
Tuhan nan suko nan bausaho
Anak itiak pandai baranang
Baranang sampai katapian
Bialah nan tampak pucuak rabuang
Di malam tabaok angan
Anak urang di paninjauan
Kaparak dipagi hari
Mato nan hampia talalokan
Pelatihan nan indak dapek kopi.
.jpeg)
Tidak ada komentar